Galicia rexistra a menor taxa de paro desde 2008 tras ser a terceira comunidade na que máis baixa o desemprego no último ano

Xov, 25/07/2019 - 08:30

Galicia pechou o segundo trimestre do ano con menos paro e máis emprego de calidade, sendo a terceira Comunidade na que máis baixou o desemprego, tanto en termos absolutos como relativos. A taxa de paro, un 11,33%, é a máis baixa desde que comezou o Goberno de Alberto Núñez Feijóo, superando en 2,69 puntos á taxa media do Estado, que se sitúa no 14,02%.

Con 140.400 parados, Galicia tamén conta co menor número de desempregados dos gobernos de Núñez Feijóo. Rexístranse xa máis de cinco anos de baixadas de paro consecutivas na evolución anual con 34.600 parados menos que no segundo trimestre de 2008: a maior caída nun segundo trimestre desde 2005. Ademais, a caída experimentada en Galicia, do -19,77%, supera en 12,33 puntos á baixada media rexistrada en España.

Con respecto á taxa de emprego, é a maior nun segundo trimestre desde 2009. De feito, a Comunidade galega suma 23.000 ocupados máis (+2,14%) no último ano, o terceiro maior incremento nun segundo trimestre desde 2007. Este dato sitúa a Galicia a un nivel superior ao reflectido hai 9 anos.

https://www.xunta.gal/notas-de-prensa/-/nova/41855/galicia-registra-menor-tasa-paro-desde-2008-tras-ser-tercera-comunidad-que-mas