O obradoiro de Sarria forma a 20 persoas que dixitalizan fondos do arquivo municipal e melloran espazos públicos do concello

Xov, 27/12/2018 - 08:30

O delegado territorial da Xunta en Lugo, José Manuel Balseiro, coñeceu esta mañá o traballo que se desenvolve no obradoiro de emprego Dixitaliza Sarria, que forma a 20 persoas e se dedica á dixitalización dos fondos do arquivo municipal e á mellora de espazos públicos do municipio.

Balseiro apuntou que a Consellería de Economía, Emprego e Industria destina 288.800 euros a financiar esta iniciativa e lembrou que os participantes poderán obter un certificado de profesionalidade. No obradoiro traballan tamén un director, un administrador e dous monitores. Ten unha duración de nove meses, ata finais de xullo de 2019.

O delegado subliñou que un dos eixos principais da Axenda para o Emprego da Xunta é a “capacitación e especialización dos traballadores e traballadoras” e apuntou que é especialmente importante que a formación “responda aos perfís profesionais máis demandados no mercado laboral”.

https://www.xunta.gal/notas-de-prensa/-/nova/35954/taller-sarria-forma-20-personas-que-digitalizan-fondos-del-archivo-municipal