A Xunta achega preto de 2,6 millóns de euros para sufragar a contratación de 346 persoas desempregadas nos concellos lucenses

Lun, 21/05/2018 - 08:30

A Consellería de Economía, Emprego e Industria vén de resolver tres programas de apoio á contratación por parte dos concellos, que supoñen na provincia de Lugo un investimento de preto de 2,6 millóns de euros para a creación de 346 postos de traballo.

O delegado territorial da Xunta en Lugo, José Manuel Balseiro, ofreceu hoxe en rolda de prensa os datos xerais do programa Aprol Rural, o de fomento da contratación de persoas perceptoras da Renda de Integración Social de Galicia (Risga) e o plan de cooperación, e informou de que os concellos deberán incorporar aos traballadores beneficiados o 1 de xullo como data tope.

https://www.xunta.gal/notas-de-prensa/-/nova/30727/xunta-aporta-cerca-2-6-millones-euros-para-sufragar-contratacion-346-personas