Un total de 16 proxectos empresariais reciben formación e asesoramento na nova edición do coworking da Ribeira Sacra

Xov, 05/03/2020 - 08:30

Monforte de Lemos (Lugo), 3 de marzo de 2020.- A quinta edición do espazo coworking da Ribeira Sacra, promovido pola Consellería de Economía, Emprego e Industria en colaboración coa Escola de Organización Industrial (EOI), comeza esta tarde a súa quinta edición, na que os promotores de 16 iniciativas de emprendemento recibirán formación, asesoramento e titoría á medida das súas necesidades na sede de Monforte de Lemos durante os próximos cinco meses, para acelerar a posta en marcha dos seus proxectos empresariais.

As actividades dos 17 emprendedores, 10 mulleres e 7 homes, que se acelerarán nesta convocatoria do coworking abranguen sectores produtivos variados como as enerxías renovables, a agroalimentación, o turismo sostible, os servizos de lecer especializados e a revalorización dos recursos do territorio, entre outros. Así, desenvolveranse iniciativas de enxeñería sustentable, unha empresa agroforestal, unha granxa escola, un centro de lecer para maiores e outro de atención á infancia, fabricación de produtos cosméticos e medicinais, apicultura e diferentes servizos turísticos.

https://www.xunta.gal/notas-de-prensa/-/nova/47656/total-16-proyectos-empresariales-reciben-formacion-asesoramiento-nueva-edicion?langId=es_ES