A Xunta activa axudas por 8,5M€ para apoiar as entidades sen ánimo de lucro na contratación de máis de 500 persoas desempregadas

Mér, 19/08/2020 - 08:30

A Xunta vén de publicar no Diario Oficial de Galicia (DOG) unha convocatoria de axudas dotada con 8,5 millóns de euros para apoiar a contratación de máis de 500 persoas desempregadas en entidades sen ánimo de lucro. A medida inscríbese nos programas que está a poñer en marcha a Administración autonómica, a través da nova Axenda de Emprego, para reducir o desemprego incrementando as oportunidades laborais dos galegos e galegas.

Con esta iniciativa, cuxo prazo de presentación de solicitudes permanecerá aberto ata o vindeiro 14 de setembro, a Consellería de Economía, Emprego e Industria financiará a contratación de desempregados durante nove meses a tempo completo en preto de 170 asociacións que están inscritas no Rexistro único de entidades prestadoras de servizos sociais.

https://www.xunta.gal/notas-de-prensa/-/nova/50980/xunta-activa-ayudas-por-8-para-apoyar-las-entidades-sin-animo-lucro-contratacion