A Xunta reforza o seu programa de avais para facilitar o acceso ao financiamento de máis de 200 pemes e autónomos

Ven, 07/02/2020 - 08:30

A Consellería de Economía Emprego e Industria reafirmou hoxe o seu compromiso co apoio ao financiamento dos proxectos empresariais das pemes e os autónomos galegos no acto de firma do convenio de colaboración asinado esta mañá en Santiago de Compostela polo o director do Igape, Juan Cividanes, e representantes das Sociedades de Garantía Recíproca (SGR) galegas e de sete entidades financeiras.

O acordo activa a nova convocatoria do programa de avais que o Consello da Xunta aprobou recentemente, coa que este ano se destinan 2,7 millóns de euros a estas axudas, un 140% máis que na convocatoria anterior. Como lembrou o director do Igape, a través desta nova liña, facilitarase a realización de distintos tipos de operacións de financiamento comprendidas entre 3.000 euros e un millón, para mellorar a situación financeira de arredor de 210 pequenas e medianas empresas e emprendedores, incrementando tamén os créditos mobilizados.

https://www.xunta.gal/notas-de-prensa/-/nova/46900/xunta-reforza-seu-programa-avais-para-facilitar-acceso-financiamento-mais-200