A Xunta ve imprescindible redobrar a aposta pola industria compatibilizando a actividade económica coa protección do medio ambiente e a seguridade laboral

Xov, 28/05/2020 - 08:30

O conselleiro de Economía, Emprego e Industria, Francisco Conde, mantivo hoxe un encontro telemático con representantes da Alianza pola Competitividade da Industria na que subliñou que para a Xunta é imprescindible neste contexto económico redobrar a aposta industrial compatibilizando a actividade económica coa protección do medio ambiente e a seguridade laboral. “Precisamos medidas que consoliden o noso tecido para poder seguir crecendo e desenvolver unha economía sostible baseada na industria e compatible co medio ambiente”, explicou.

A Alianza representa sete sectores estratéxicos do tecido industrial español: automoción, alimentación, industria química e petrolífera, construción, siderurxia e industria do papel e cartón e representan 2,9 millóns de empregos e 280.000 millóns de euros en vendas. Conde destacou o valor engadido, a capacidade exportadora e de investimento en I+D+i que fan que a industria vaia xogar un papel tractor na recuperación económica.

https://www.xunta.gal/notas-de-prensa/-/nova/49225/xunta-imprescindible-redoblar-apuesta-por-industria-compatibilizando-actividad?langId=es_ES